Plantun de Prouvènço

Pèr coumpara dos planto d'encò nostre

Iris lutescens & Bifora testiculata

Iris lutescens

Iridaceae

Noms en français : Iris des garrigues, Iris jaunâtre.

Descripcioun :
La palimpo es un pichot Iris de garrigo mai pamens que pòu mounta mai aut dins l'estànci di colo. Ei majamen jauno mai pòu èstre viòuleto o mesclado. Se recounèis à si cambo courteto e si pichòti fueio.

Usanço :
La palimpo, coume tóuti li planto de sa famiho, èi di proun empouisounanto. Caup d'alcalouïde dangeirous. P. Lieutaghi raporto que la racino vo li fueio d'Iris en decocioun servien pèr ajuda la deliéuranço encò li vaco, fedo e cabro.

Port : Erbo
Taio : 5 à 30 cm
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo

Gènre : Iris
Famiho : Iridaceae

Ordre : Aspargales

Coulour de la flour : Jauno
Petalo : 6
Ø (o loungour) flour : 6 à 10 cm
Flourido : Printems

Sòu : Ca (si)
Autour basso e auto : 0 à 1400 m
Aparado : Vo
Mars à mai

Liò : Garrigo - Roucaio
Estànci : Termoumediterran à Subremediterran
Couroulougi : Estenoumediterrano-Nord-Ouèst
Ref. sc. : Iris lutescens Lam., 1789

Anis-pudènt(-à-roubignòli)

Bifora testiculata

Apiaceae Umbelliferae

Nom en français : Bifora à testicules.

Descripcioun :
L'anis-pudènt-à-roubignòli es uno planto devengudo raro que se pòu trouba encaro dins li champ de cerealo cultiva à l'anciano. Se recounèis à soun óudour forto que rapello lou couriandre fres, si fueio descoupado e subretout si fru que dounon d'èr à de roubignòli o s'amas mies d'alibòfi o ..., ço que se vèi deja souto li flour.

Usanço :
Pèr d'ùni, pudis que noun sai, mai à nautre es uno óudour que nous agrado. Pamens sabèn pas s'èi poussible de se n'en servi coume lou couriandre. Escriéure au site s'avès d'entresigne.

Port : Erbo
Taio : 20 à 40(60) cm
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Bifora
Famiho : Apiaceae
Famiho classico : Umbelliferae

Ordre : Apiales

Coulour de la flour : Blanco
Petalo : 5
Ø (o loungour) flour : Pancaro entresigna
Flourido : Printèms

Sòu : Ca
Autour basso e auto : 0 à 600 m
Aparado : Noun
Remarco : Champ de cerealo

Liò : Champ - Meissoun
Estànci : Mesoumediterran
Couroulougi : Pancaro entresigna
Ref. sc. : Bifora testiculata (L.) Spreng., 1820

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Iris lutescens & Bifora testiculata

Coumpara Palimpo emé uno autro planto

Coumpara Anis-pudènt(-à-roubignòli) emé uno autro planto